Vizitat e pesëshes: A i rikthejnë të dyja palët në dialog? (VIDEO)

Puna për planin që pesëshja e madhe e solli në Prishtinë e Beograd të shtunën, do të vazhdojë vrullshëm javën që po vjen, jo veç në Bruksel. Dy ditë pas takimeve të emisarëve evropian e amerikan në Kosovë dhe Serbi, dialogu mes dy shteteve pritet të jetë temë diskutimi të hënën nga ministrat e Punëve të Jashtme të vendeve anëtare të Bashkimit Evropian në Luksemburg. Në 7 ditëshin e ardhshëm çështja e nxehtë e shteteve nga Ballkani Perëndimor, do të preket edhe në Këshillin e Evropës, ndërsa kah fundi i javës presidenti serb, Aleksandar Vuçiq, tha se pret vazhdim të dialogut në kryeqendrën politike të evropës, njofton Klan Kosova. Nga angazhimi amerikano-evropian i ditëve në vijim po pritet të dalë ajo që nuk u arrit deri tash , për marrëveshjen që palët kishin arritur në Bruksel. https://www.youtube.com/watch?v=qrUa5rocjkM