Vlora është një nga qytetet e Shqipërisë që vuan uljen e lindshmërisë. Sipas mjekëve në qytetin bregdetar në 3 muajt e parë të këtij viti ka një rënie të lindjeve krahasuar me vitin e shkuar.
“Për Janar-Shkurt-Mars ishin 60 lindje normale dhe 50 ishin lindje operative. Kemi patur shumë probleme gjinekologjike. Kemi pasur intervente kirugjikale gjinekologjike dhe shumë shtrime e vizita të kësaj natyre”, tha Sofika Xhelilaj, mjeke.
Në këtë situatë ndikojnë disa faktorë.
“Rënia e lindshmërisë ka shumë arsye, më së shumti sociale, ekonomike. Shumica e të rinjve janë larguar, disa bëjnë një martesë në moshë më të madhe dhe bëjnë një lloj planifikimi familjar që nuk bëjnë më shumë se 1 ose 2 fëmijë”, tha Xhelilaj.
Sipas të dhënave nga INSTAT në vitin 2024 në Shqipëri kanë lindur 22425 foshnja 5 për qind më pak se në vitin 2023 duke e renditur Shqipërinë ndër vendet me lindshmërinë më të ulët në Evropë./Tvklan
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
