Volejbollistët e Kubës dënohen me burg, dhunuan finlandezen

Pesë anëtarë të ekipit kombëtar të volejbollit të Kubës, janë dënuar për përdhunim të një gruaje finlandeze gjatë një turneu Botëror në Tampere. Katër prej tyre, përfshirë edhe kapitenin, u janë dhënë pesë vjet dënim me burg, ndërsa i personi i pestë përballet me tre vjet e gjysmë burg, njofton Klan Kosova. Të dyshuarit u arrestuan në qytetin jugor finlandez më 2 korrik, pasi një grua lajmëroi se ishte përdhunuar në një hotel. Fillimisht tetë burra u mbajtën në paraburgim, por tre prej tyre u liruan nga aktakuzat, njofton Klan Kosova.