Raportuesja e Parlamentit Europian për Kosovën, eurodeputetja Viola von Cramon-Taubadel, i ka reaguar të përzgjedhurit special nga Shtëpia e Bardhë për dialogun Kosovë-Serbi, Richard Grenellit, pasi ky i fundit e mbështeti një postim të Presidentit Hashim Thaçi në Twitter, ku theksonte se javën tjetër ai do t’i ndërmarrë hapat kushtetues për formimin e Qeverisë së re.
Grenell në llogarinë e tij ka shkruar se pasi të bien tarifat dhe masa e reciprocitetit, menjëherë do të fillojë procesi i dialogut ndërmjet Kosovës dhe Serbisë, njofton Klan Kosova.
Mirëpo kjo ka nxitur reagimin e Raportueses së PE-së Von Cramon, e cila ka thënë se ndoshta Grenell nuk është në dijeni, por tarifat prej 100 për-qind tashmë janë të hequra nga Qeveria në detyrë në krye me Albin Kurtin.
“Ndoshta gjë e re për të, por tarifat janë hequr nga Qeveria në detyrë dhe Kryeministri i saj Albin Kurti”.
“Nëse dikush është i interesuar të udhëheqë një dialog, ai/ajo mund të fillojë me Qeverinë e Kosovës në çdo kohë. Nuk ka nevojë ta rrëzosh atë në një krizë pandemike”.
Maybe new for him but the tariffs are dropped by the acting government and its Prime Minister @albinkurti. If someone is interested in leading a dialogue he/she could have started it with the government in #Kosova at any time. No need to topple it in a crisis #COVID19 #pandemic https://t.co/THPzHgqMam
— Viola von Cramon (@ViolavonCramon) April 19, 2020
Për t’u informuar më shumë rreth kësaj ngjarje, klikoni në linqet e mëposhtme.
https://klankosova.tv/thaci-javen-tjeter-do-ti-ndermarre-hapat-per-formimin-e-qeverise-se-re/
https://klankosova.tv/thaci-merr-mbeshtetjen-e-grenellit-per-formimin-e-qeverise-se-re2/
klankosova.tv
●●●
HSHKRIMI NGA
H.S
Editorial nga Klan Kosova — ndjek lajme dhe zhvillimet e tjera kryesore të vendit.
