Voton edhe Kryetari i Komitetit Olimpik

Kryetari i Komitetit Olimpik i Kosovës, Besim Hasani, ka kryer obligimin e tij qytetar për të votuar në shkollën “Ahmet Gashi” në Prishtinë. Ai ka thënë se në këto zgjedhje lokale, kishte shumë sportistë që kanë kandiduar për Asamble Komunale, dhe ka bërë thirrje që sporti të jetë në fokus të pushteteve lokale, njofton Klan Kosova. “Më gëzon fakti që shumë njerëz të sportit janë kandiduar për tu zgjedhur, e ajo që kemi parë nga kandidatët është që nuk e kanë anashkaluar sportin. Unë konsideroj që edhe pushteti qendror edhe lokal duhet të kujdesen për infrastrukturën sportive”. Hasani, më tutje ka shtuar se pikërisht kushtet e mira të sportit do të sjellin suksese më të mëdha sportit kosovar.