Vrasja e 5-të: Çfarë dihet deri tani për tragjedinë në Hajvali?

Qetësinë e kryeqytetit e prishën mbrëmë të shtënat me armë, që lanë të vdekur një person. Pak orë para mesnatës, Hajvalia u trondit nga krismat. Burime brenda Klan Kosovës raportuan të parët për këtë ngjarje tragjike. https://klankosova.tv/me-plage-nga-arma-vdes-nje-person-ne-qkuk/ Viktima u dërgua pa shenja jete në QKUK, ndërsa policia konfirmoi se i dyshuari është identifikuar dhe po kërkohet. Lajmin për Klankosova.tv e konfirmoi edhe zëdhënësja e policisë për rajonin e Prishtinës, Flora Ahmeti. https://klankosova.tv/policia-e-konfirmon-vrasjen-ne-hajvali-i-dyshuari-ne-kerkim-eshte-identifikuar/ “Vdekja e viktimës mashkull është konstatuar nga ekipi mjekësor në QKUK. Policia ka nisë një hetim për zbardhjen e rastit”, tha Ahmeti për Klankosova.tv. Por tragjedia e Hajvalisë nuk ishte e vetmja që shënoi 48-orëshin në vend. Vetëm një ditë më parë Gjilani u bë skena e një ekzekutimi të trefishtë. https://klankosova.tv/ngjarja-tragjike-ne-gjilan-vdes-edhe-personi-i-trete/ Tre persona u vranë, ndërsa autorët e dyshuar janë shpallur në kërkim nga policia. Si të mos mjaftonte, Prizreni u përball me një tjetër vrasje, një burrë humbi jetën pas goditjeve me thikë. Ndërkohë që në këtë rast, policia ka arritur të identifikoj dhe arrestoj të dyshuarin. https://klankosova.tv/vdes-nje-person-ne-qkuk-pasi-u-ther-me-thike-ne-prizren/ Kështu brenda vetëm 48 orëve, pesë jetë u shuan në Kosovë. /Klankosova.tv.