"Vulgar", kritikohet transformimi i Zyrës Ovale të Trumpit

Ish-këngëtari i grupit White Stripes, Jack White, ka sulmuar përpjekjet e Donald Trump për ridekorimin e Shtëpisë së Bardhë, pas pritjes së djeshme nga Trump të Presidentit ukrainas Volodymyr Zelenskyy dhe udhëheqësve evropianë në Shtëpinë e Bardhë për të çuar përpara bisedimet e paqes për t'i dhënë fund luftës në Ukrainë. Artisti fitues i çmimit Grammy, i cili ka qenë një kritik i hapur i Trump e përshkroi dhomën historike si një "dhomë zhveshjeje”. “Shikoni sa i neveritshëm e ka transformuar Trump Shtëpinë e Bardhë historike.  Tani është një dhomë zhveshjeje vulgare, e zbukuruar me fletë ari. Mezi pres edhe ndeshjen e UFC-së në lëndinën e përparme, ai pothuajse e ka realizuar plotësisht filmin “Idiocracy”, shkroi ai. Ndryshimet e Trump në Shtëpinë e Bardhë janë çështje e dokumentuar publikisht dhe kanë përfshirë një stemë të artë të "Trump" mbi derën e ndërtesës historike dhe zëvendësimin e lëndinës në Kopshtin e Trëndafilave me pllaka dhe disa monumente ari - duke përfshirë kerubinët e artë nga prona e tij në Mar-a-Lago.  /Klankosova.tv