Vullnetarët nga Kosova në Turqi: Nxorëm kufomën e një fëmijë – s’pati kush ta vajtojë e as kush ta marrë (VIDEO)

Një ekip vullnetarësh nga Kosova i kërkim-shpëtimit që po qëndron në Turqi, po ballafaqohet me emocione të ndryshme. Ata u pikëlluan fort kur ia gjetën pa shenja jete anëtarët e familjes një qytetari turk, raporton Klan Kosova. Por, edhe më keq se kaq këta e përjetuan një rast tjetër. Ilir Gaxha, vullnetar që po ndihmon Turqinë në këto kohë të vështira, ka thënë se ekipi nxori nga rrënojat një fëmijë pa shenja jete, por të njëjtin nuk pati as kush ta vajtojë e as kush ta marrë. Nga kufomat e mbetura nën rrënoja tash e disa ditë, ka nisur që qyteti të kundërmojë. E krahas ekipit vullnetar të Kosovës janë edhe ushtarët e Kosovës që shkuan në jug të Turqisë me mision e të cilët po qëndrojnë ditë e natë në terren. Bile, po udhëheqin edhe ekipet e tjera që gjenden në zonën e njëjtë. Megjithatë, ata thonë se po kanë edhe vështirësi. E në krah të ushtarëve që udhëtuan drejt Turqisë menjëherë pas kësaj fatkeqësie natyrore, të premten mbrëma me kërkesë të shtetit turk shkuan edhe përforcime. /Klankosova.tv https://youtu.be/JenWv5BQ2hg *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.