WhatsApp e Instagram së shpejti me emra të rinj

WhatsApp dhe Instagram do të marrin emra të rinj si pjesë e një marke të re nga Facebook-u. Të dy aplikacionet do të njihen si "WhatsApp nga Facebook" dhe "Instagram nga Facebook". Ky vendim është pjesë e një ndryshimi më të gjerë drejt lidhjes së tre aplikacioneve dhe sjelljes së tyre nën brendin e Facebook, sipas The Information, i cili së pari raportoi ndryshimin, njofton Klan Kosova. Qysh kur Facebook ka blerë edhe WhatsApp dhe Instagram, ajo ka lënë kryesisht aplikacionet të ekzekutohen veç e veç. Kjo është shtrirë në markën e të dy aplikacioneve. Në WhatsApp dhe Instagram, nuk ka deklaratë të qartë që secili aplikacion të jetë pronë e Facebook.