Xhudistët i rikthehen garave ndërkombëtare - për Kosovën lufton edhe një japonez

Xhudistët?? iu kthehen garave ndërkombëtare pas shtatë muajsh? Pas shtatë muajsh mungese shkaku i përhapjesë së pandemisë COVID-19, xhudistët tanë do t’iu kthehen garave ndërkombëtare. "Këtë fundjavë (3 dhe 4 tetor 2020) do të mbahet Kupa Evropiane për seniorë, e cila zhvillohet në Dubrovnik të Kroacisë. Ekipi i xhudos përfaqësohet nga Erza Muminoviq, kategoria -48 kilogramë, Flaka Loxha (-57 kg), Laura Fazliu (-63 kg) dhe Shigeki Nakamura (-73 kg)", njofton trajneri Driton Kuka. "Për Nakamurën, që ka prejardhje nga Japonia, do të jetë gara e parë ndërkombëtare që përfaqëson vendin tonë, që prej marrjes së pasaportës së Kosovës muajin e kaluar".