Ylberi në Taivan thyen çdo rekord, qëndron afro nëntë orë (VIDEO)

Ylberi mund të jetë një pamje e mahnitshme për njerëzit por që mund të shijohet shumë shkurt. Por që javën e kaluar, profesorë dhe studentë në Universitetin e Kulturës në Taipei të Kinës mundën të shijojnë atë për së paku nëntë orë, shkruan BBC, përcjellë Klan Kosova. “Ishte e mahnitshme...Ishte si një dhuratë prej qielli...Është e rrallë”, ka thënë Chou Kun-hsuan, një profesor në departamentin e shkencave atmosferike. Profesori tjetër, Liu Ching-huang, i priu përpjekjeve për të dokumentuar ylberin me ndihmë të studentëve në këtë departament. Vrojtimet, fotografitë dhe videot e xhiruara shfaqin ylberin që zgjati nga ora 06:57 deri në 15:55 – apo tetë orë e 58 minuta. Ylberi është xhiruar për së paku gjashtë orë, nga ora 09:00 – 15:00, sipas Librit të Rekordeve Guinness. Ylberët zakonisht zgjadin më pak se një orë, por ky në Taivan theu ccdo pritshmëri. https://www.youtube.com/watch?v=Nav1Q8MuXtk