Ish kryetari i Vetëvendosjes, Visar Ymeri, ka treguar se fatura e energjisë elektrike për muajin janar i ka ardhur dhe se vlera e faturës së tij është 146.32 euro.
Ai përmes një postimi në Facebook ka deklaruar se me kalkulimin e kësaj fature me tarifat e propozouara nga ZRRE vlera e faturës do të arrijë në 383.06 euro.
"Fatura e energjisë elektrike për muajin janar është shpërndarë dje (në kompleksin banesor ku banoj). Për këtë muaj kisha shpenzuar 1543 kWh në tarifën e shtrenjtë A1, dhe 1024 kWh në tarifën e lirë (të natës) A2. Vlera e kësaj fature mujore është 146.32 euro, në të cilën përfshihet edhe TVSh (10.80 euro) si dhe tarifa fikse (1.74 euro)".
"Kur e kalkulon të njëjtin shpenzim me tarifat e propozuara nga ZRrEE, vlera e faturës mbërrin në 383.06 euro. Kjo pastaj zbret në 266.61 euro pas aplikimit të subvencionit të vënë në dispozicion nga Qeveria e Republikës së Kosovës. Pra fatura që sot kushton 146.32 euro do të kushtojë 383.06 euro pas 1 shkurtit, nëse propozimi për tarifa shndërrohet në vendim. Dallimi është 236.74 euro apo shprehur në përqindje rritja është 161.8 %".
Më poshtë postimi i plotë:
RRITJA REALE MË DOLI 161,8%
Fatura e energjisë elektrike për muajin janar është shpërndarë dje (në kompleksin banesor ku banoj). Për këtë muaj kisha shpenzuar 1543 kWh në tarifën e shtrenjtë A1, dhe 1024 kWh në tarifën e lirë (të natës) A2. Vlera e kësaj fature mujore është 146.32 euro, në të cilën përfshihet edhe TVSh (10.80 euro) si dhe tarifa fikse (1.74 euro).
Kur e kalkulon të njëjtin shpenzim me tarifat e propozuara nga ZRrEE, vlera e faturës mbërrin në 383.06 euro. Kjo pastaj zbret në 266.61 euro pas aplikimit të subvencionit të vënë në dispozicion nga Qeveria e Republikës së Kosovës. Pra fatura që sot kushton 146.32 euro do të kushtojë 383.06 euro pas 1 shkurtit, nëse propozimi për tarifa shndërrohet në vendim. Dallimi është 236.74 euro apo shprehur në përqindje rritja është 161.8 %.
Është e vërtetë që subvencioni e ul ndjeshëm koston e faturës. Por të mos harrojmë se subvencioni po ashtu paguhet nga ne, tatimpaguesit. Për me tepër këto tarifa, nëse vendosen, do të mbeten të njëjta deri në prill të vitit 2023. Pra do t’i mbulojnë muajt e mbetur të dimrit dhe të krizës energjetike, muajt e pranverës dhe verës, e më me rëndësi, muajt e dimrit 2022-2023.
A do të vazhdojë edhe subvencionimi në secilën prej këtyre periudhave? Apo në dimrin 2022-2023 do a paguajmë shtrenjtimin drejtpërdrejt e jo të ndërmjetësuar përmes buxhetit? Dhe a do të jetë i njëjti çmim i shtrenjtë i importit siç është sot edhe atëherë? Dhe a do të kemi prapë probleme me gjenerim atëherë siç kemi sot? Me një fjalë tarifat e energjisë po shtrenjtohen për t’u ballafaquar me krizën energjetike e atë të gjenerimit që e kemi sot, dhe po shtrihen, artificialisht, të njëjtat rrethana për një periudhë shumë më të gjatë, kur nuk pritet me i pas të njëjtat rrethana në sistemin e furnizimit me energji elektrike.
Tash Qeveria disa herë na ka këshilluar që ta kursejmë energjinë. Dhe këtu u jap të drejtë. Duhet të kursejmë. Unë ngrohem me energji elektrike. Nuk jemi të lidhur në rrjetin e Ngrohjes Qendrore. Atëherë me çka të ngrohemi? Me djegie druri? Nëse e paramendojmë njëherë që secili që ngrohet me rrymë të kalojë në dru. Ose thëngjill. Çka do të ndodhte me çmimin e drurit? Po të thëngjillit? Po me mjedisin? A nuk do të shkatërroheshin pyjet kështu? Po ajri, edhe ashtu i ndotur, a nuk do të mbingarkohej me djegien e thëngjillit?
Por mund të ngrohemi më pak. Dakord. Ta zëmë se 1/3 e konsumit edhe teprim i panevojshëm. Nëse në vend të 1543 kWh në tarifë të shtrenjtë shpenzoj 1028 kWh dhe në vend të 1024 kWh shpenzoj vetëm 682 kWh, prapë çmimi është shumë i lartë. Kështu do të paguaja 233.03 euro e cila aktualisht për shkak të subvencionit do të zbritej në 165.99 euro. Prapë s’kam llogari qysh po ma qet kalkulatori.
●●●
NLSHKRIMI NGA
N LL
Editorial nga Klan Kosova — ndjek uncategorized dhe zhvillimet e tjera kryesore të vendit.
