Zbulohet koha ideale për të bërë dush dhe nuk është mëngjesi

Shumica prej nesh pëlqejnë që të bëjnë dush në mëngjes, por kjo mund të mos jetë koha më e mirë për shëndetin e lëkurës. Një studim i kryer nga marka suedeze e bukurisë dhe mirëqenies Foreo në partneritet me YouGov, ka zbuluar se zakonet e dushit në Mbretërinë e Bashkuar kanë një ndikim në mirëqenien e tyre dermatologjike. Sipas studimit, 61 për qind e britanikëve preferojnë të bëjnë dush në mëngjes, sesa pas punës. Por dermatologu Simon Zokai thotë se kjo është koha më pak e dobishme për të larë trupin. Në fakt, një dush në mbrëmje ka një avantazh më të madh se sa ai i mëngjesit. Kjo për faktin se ndihmon në largimin e akumulimit të papastërtive që është krijuar në lëkurë gjatë gjithë ditës. Duke komentuar gjetjet, Boris Raspudic, menaxher i përgjithshëm i FOREO tha se në këtë pikë bëhet fjalë për kujdesin e lëkurës. “Është një argument me disa përkrahës shumë të zëshëm nga të dyja palët, por, kur bëhet fjalë për kujdesin e lëkurës, dushi në mbrëmje është me të vërtetë alternativa më e mirë, pasi ndihmon në heqjen e të gjithave, makijazhi, vaji, papastërtitë dhe ndotësit që janë grumbulluar gjatë ditës”. “Dushi në mëngjes mund t’ju ndihmojë të zgjoheni dhe t’ju sigurojë kohën shumë të nevojshme për të planifikuar ditën tuaj, përfitimet për lëkurën tuaj reduktohen shumë. Nëse duhet të bëni dush në mëngjes, ndërtimi i një dushi të shpejtë në mbrëmje do të ndihmojë ndjeshëm shëndetin e lëkurës tuaj”, u shpreh ai.