Zbulohet koralja më e madhe në Australi 400 metra e gjerë dhe rreth 500 vjeçe e vjetër

Shkencëtarët në Australi kanë bërë një zbulim të pazakontë. Ata kanë zbuluar njërën nga koralet më të mëdha dhe të vjetra në shkëmbin Barrier, në Ishujt Palm të Austalisë, shkruan Dailymail, transmeton Klankosova.tv. Koralja e zbuluar sipas banorëve autokton quhet “Muga dhamb” dhe është 400 metra e gjerë. Sipas studiuesve struktura që  përbëhet nga kafshë të vogla detare me karbonit kalciumi është mbi 17 metra e gjatë dhe është e gjashta më e madhe në shkëmbin Barrier. Por, kjo korale është edhe mjaft e vjetër. Sipas një studimi ajo është mes 421 dhe 438 vjeçare që kalon edhe kolonizimin e Australisë që filloi në vitin 1788. Korali i zbuluar është pjesë e familjes Porties dhe për zbuluesit është habitëse se si i ka mbijetuar kohës duke përfshirë ciklone dhe shumë ngjarje tjera. Ata në studim thanë se ky është një koral jashtëzakonisht i rrallë dhe elastik. "Ajo i ka mbijetuar zbardhjes së koraleve, specieve pushtuese, cikloneve, baticave të ulëta dhe aktiviteteve njerëzore për gati 500 vite", thanë studiuesit. Kur temperaturat e oqeanit janë shumë të larta, koralet dëbojnë algat e tyre shumëngjyrëshe simbiotike që u sigurojnë atyre ushqim - duke i kthyer në një të bardhë të zbardhur. Sipas Live Science në gjuhën e njerëzve Manbarra, të cilët jetojnë në Palm Islands, 'Muga ghambi' do të thotë 'koral i madh'.