Zbulohet një sarkofag mahnitës i fisnikut të lashtë egjiptian

Sarkofagu rozë prej graniti i një fisniku të rangut të lartë egjiptian është gjetur në një dhomë varrimi të lashtë pranë Kajros, ku ka qenë i shtrirë për mijëra vjet. I përkiste Ptah-em-wia, i cili shërbeu si kreu i thesarit nën Ramsesin e Madh dhe është përshkruar nga arkeologët si një 'zbulim ëndrrash'. I gdhendur në të gjitha anët me emblema, hieroglifë dhe tituj, arkivoli prej guri deri në tremijë e 300 vjeçar u gjet në gjendje të pacenuar dhe në varrin e tij origjinal 23 metra nën tokë. Profesor Ola El Aguizy, i cili zbuloi sarkofagun në Saqqara, shpreson se zbulimi do të hedhë dritë mbi ata që sunduan Egjiptin pas Tutankhamunit. Arkeologu i Universitetit të Kajros tha: "Hieroglifët në sarkofag vërtetojnë se është Ptah-em-wia dhe gjithashtu titujt e përmendur në sarkofag janë të njëjtë me ata që gjenden në muret e vetë varrit. Ai është një fisnik dhe mjaft i afërt me mbretin, sepse titujt e tij që lidhen me tempullin miliona vjeçar në Tebeë dëshmojnë se ai kishte një rol shumë të rëndësishëm në administrimin e asaj kohe. Sarkofagu rozë i granitit i Ptah-em-wia, një fisnik i rangut të lartë egjiptian është gjetur në një dhomë varrimi të lashtë pranë Kajros, ku ka qenë i shtrirë për mijëra vjet. Sarkofagu u zbulua në serinë e katërt të Thesareve të Humbura të Egjiptit, e cila u shfaq premierë në National Geographic, të dielën. Varri i tij në nivel sipërfaqësor u zbulua nga profesori El Aguizy sezonin e kaluar, por ajo nuk ishte në gjendje të zbriste në dhomën e nëndheshme deri këtë vit. Arkeologëve iu desh të lëviznin disa tonë rërë për të krijuar një bosht që mund të përdornin për të arritur në nivelin e parë të varrit, i cili ndodhet pranë piramidës së mbretit Unas. Aty gjetën një mur guri 3000-vjeçare, e cila duhej të përforcohej përpara se të mund të zbrisnin më tej me siguri. Gjetja e arkivolit në gjendje kaq të mirë dhe në varrin e pronarit të tij origjinal janë të dyja të rralla në Saqqara. Grabitësit e varreve ishin aktivë në zonë në kohët e lashta, dhe shumica e varreve u ripërdorën disa herë, kështu që jo shumë nga sendet e pronarit origjinal do të mbeteshin atje.