Zelensky kërkoi t'iu ndalohet hyrja, por sa rusë vizituan Shqipërinë në 15 muajt e fundit?

37 mijë e 780 turistë nga Rusia kanë hyrë në Shqipëri në 15 muajt e fundit. Sipas të dhënave të Institutit të Statistikave të Shqipërisë të dërguara për Klankosova.tv.të  ky numër i vizitorëve rusë është regjistruar nga janari i vitit 2021 e deri në mars të 2022-ës. Në përgjigjen me shkrim nga INSTAT, theksohet se fluksi më i madh i turistëve nga Rusia ka qenë gjatë periudhës korrik-tetor 2021. Gjatë kësaj kohe Shqipërinë e kanë vizituar 24 mijë e 146 turistë rusë. Përkundër se gjatë këtij 15 mujori numër i madh i rusëve zbarkoi në Shqipëri, një kërkesë për t'ua ndaluar shkuarjen e turistëve nga Rusia në Shqipëri e bëri presidenti i Ukrainës Volodymyr Zelensky gjatë një adresimi që pati të martën para Kuvendit të Shqipërisë përmes një video lidhjeje. https://klankosova.tv/zelensky-shqiperise-kufizoni-ardhjen-e-turisteve-ruse-mund-te-vijne-xhelatet-e-mariupolit-video1/?fbclid=IwAR2kFJQffAHynNc3V5ZOBiYLit76obkuzcrxMSdo_3OS7D5aL7wvAPv7dL0   Mes tjerash, kryetari i Ukrainës vendi i të cilit po përballet me pushtimin rus tash e dy muaj tha se ekziston rreziku që në Shqipëri të shkojnë "vrasësit e Buchas apo edhe xhelatët e Mariupolit". https://www.youtube.com/watch?v=Q6duRjJ6Zx4 Klankosova.tv ka dërguar pyetje edhe në kryeministrinë shqiptare për të mësuar se a do të ndalohet hyrja e turistëve rusë pas kërkesës së Zelenskyt, por deri më tani nuk ka marrë përgjigje. Ditë më parë Shqipëria ka lehtësuar procedurat e hyrjes për turistët e huaj, në mesin e tyre edhe për ata nga Rusia. I pyetur nga gazetarët se a do të ndalohet hyrja e tyre në Shqipëri?, kryeministri shqiptar Edi Rama, tha se kjo nuk do të ndodh. https://www.youtube.com/watch?v=mCA5i1cdLXE