Zemaj falënderon Francën për donacionin e radhës: Janë krah i fortë i qytetarëve të Kosovës

Ministri në detyrë i Shëndetësisë, Armend Zemaj, ka pranuar donacionin e radhës nga Franca të cilin e dorëzoi ambasadorja franceze në Kosovë, Marie-Christine Butel. Zemaj në një paraqitje për media pas pranimit të donacionit falënderoj Francën që janë çdoherë krah i fortë i Kosovës, njofton Klan Kosova. “Jemi bashkë me ambasadoren e Francës – një shteti mik i cili ka sjellë donacionin e radhës dhe ndihma të vazhdueshme në luftimin e pandemisë globale dhe si krah i fortë i Republikës së Kosovës dhe qytetarëve të vendit tonë për të na lehtësuar përballjen me virusin COVID-19”. “Ky donacion i shumëpritur edhe në vlerë të konsiderueshme monetare të pajisjeve është tregues se qeveria franceze dhe populli francez në këto situata të vështira në të cilën po kalojmë me përballjen me pandeminë është shumë domethënës për ne dhe qytetarët e Republikës së Kosovës”. Zemaj tutje tregoi se çfarë pajisje përmban donacioni teksa tregoji se këto pajisje do të lehtësojnë punën e stafit shëndetësor. “Ne emër të Ministrisë së Shëndetësisë dhe të Qeverisë i falënderoj shumë dhe shpresoj që këto pajisje dhe mjete mbrojtëse si oksigjen-gjenerator, oksigjen-formues, termometra të ndryshëm dhe maska për oksigjen do ta lehtësojnë punën e profesionistëve shëndetësor në trajtimin e pacientëve qoftë ata COVID apo pacientëve të tjerë të cilët kanë nevojë për këso lloj trajtimi që nevojitet oksigjeni”. “Ditët edhe kaluara edhe këto ditë të vitit 2021 po marrim donacione të ndryshme që janë stimulim për ne dhe punën tonë të përbashkët dhe vazhdimin me betejën me koronavirusin deri në eliminimin e plotë të tij”, tha Zemaj.