Zemaj viziton Gjilanin: Kemi mobilizuar të gjitha asetet shëndetësore që ta menaxhojmë pandeminë

Ministri i Shëndetësisë, Armend Zemaj, sot qëndruar në Gjilan ku ka vizituar Qendrën Operative të Emergjencave. Në Gjilan Zemaj është pritur nga kryetari i kësaj komune Lutfi Haziri, njofton Klan Kosova Haziri e falënderoj Zemajn edhe si mik edhe si ministër për përkrahjen që po i jep Gjilanit. “E falënderoj për mbështetjen që i ka dhënë komunës së Gjilanit në kuadër të masave për parandalimin e përhapjes së koronavirusit , ne e njoftuam detajisht sot në takimin me emergjencat civile të komunës së Gjilanit dhe Policinë e shtetit, komunitetet fetare dhe institucione të tjera si Kryqi i Kuq edhe institucionet që punojnë nën koordinimin e komunës për parandaluar virusin”. Ndërsa Zemaj deklaroi se angazhimi i tyre si ministri është që ta kenë nën kontroll menaxhimin e pandemisë. “Angazhimi jonë është që ta kemi nën kontroll gjendjen me koronavirus në rajonin e Gjilanit në komunën ku jemi sot”. “Shpreha falënderime të veçanta për Shtabin Emergjent për angazhimin dhe punën që kanë bërë gjatë këtyre ditëve dhe e quaj pamodesti shembullor dhe kjo është arsyeja që ne duhet të angazhohemi dhe të avancohemi në përmasimin e shëndetësisë dhe luftimin e pandemisë që qytetarët e Gjilanit t’i kthehen normalitetit”. “Hapat tonë janë progresiv, po mundohemi që t'i mobilizojmë të gjitha kapacitetet shëndetësore që i ka Republika e Kosovës dhe në këtë aspekt edhe Gjilani të përfitojë qoftë në aspektin buxhetor.”, deklaroi Zemaj.