Ministri i Shëndetësisë, Armend Zemaj, e ka vizituar sot QMF-në në Vitomiricë të Pejës.
Ai i ka siguruar personelin dhe qytetarët se do ta kenë mbështetjen e plotë për të arritur sukses të përbashkët, njofton Klan Kosova.
“Gjatë bashkëbisedimit me z. Rustem Nurkoviq, qytetar nga Vitomirica të cilin e takova në QMF-në në Vitomiricë të Pejës, u njoftova për sukseset e kësaj qendre, dhe se pas shumë viteve, një ministër i shëndetësisë viziton mantelbardhët në këtë Qendër. I falënderova të gjithë për punën e palodhur që po bëjnë”.
Më poshtë mund ta lexoni njoftimin e plotë të Zemajt në Facebook:
Gjatë vizitës në këtë QMF në Vitomiricë dhe QMF-së nr. 5 në Pejë, pashë përkushtimin e personelit dhe statistikat e prezantuara në të mirë të shëndetit të qytetarëve. Ata i sigurova se do të kenë mbështetje e plotë për të arritur sukses të përbashkët.
Ndërsa po në Vitomiricë, në shkollën " 7 Shtatori", shkollë me etnitete të ndryshme, është për t’u përshëndetur zbatimi i masave anti Covid. Këto masa janë të detyrueshme, andaj kërkoj që të zbatohen nga të gjitha institucionet, prindërit, nxënësit dhe qytetarët, si rruga e vetme për ta fituar betejën kundër virusit.
https://www.facebook.com/zemajarmend/posts/3491725707540951
klankosova.tv
●●●
HSHKRIMI NGA
H.S
Editorial nga Klan Kosova — ndjek lajme dhe zhvillimet e tjera kryesore të vendit.