Një person nga Fushë Kosovë është zhdukur dhe familjarët e tij kanë kërkuar ndihmën e qytetarëve për t'a gjetur atë.
Bëhet fjalë për Qani Rexhepin, 76-vjeçar, i cili sipas familjes ka dalë nga shtëpia gjatë ditës së sotme dhe nuk është kthyer më. Të afërmit bëjnë të ditur se ai vuan nga demenca.
Ata njoftuan gjithashtu se në kohën kur ka dalë nga shtëpia, ai kishte të veshura farmerka të kaltra dhe një xhaketë të zezë, përcjell Klankosova.tv.
Familjarët apelojnë tek të gjithë qytetarët që, në rast se e shohin ose kanë ndonjë informacion për vendndodhjen e tij, të kontaktojnë në numrin e telefonit: 049 - 700 - 872.
●●●
GSHKRIMI NGA
G.U
Editorial nga Klan Kosova — ndjek lajme dhe zhvillimet e tjera kryesore të vendit.
