Zhdukja e mistershme e gjyshit dhe babait të Ibrahim Rugovës, ja çfarë thotë djali i axhës së tij (VIDEO)

Në një rrëfim ekskluziv për emisionin “FAKTE me Adnan MEROVCIN” në KlanKosova, familjari i ngushtë (djali i axhës) i presidentit historik Ibrahim Rugova, Rrustem Rugova ka treguar detaje të padëgjuara nga jeta e tyre. Ai ka përshkruar dashurinë e madhe që e kishte për Presidentin Rugova, duke treguar se gjithmonë kishte besuar që Rugova do të ishte një emër i shquar në historinë shqiptare, por që nuk e kishte menduar asnjëherë se emri i tij do të shquhej pikërisht në politikë. Më 2 dhjetor 1944 u lind Ibrahim Rugova në fshatin Cerrcë, të komunës së Istogut, në një familje të madhe që kishte prejardhjen nga krahina e Rugovës. Familja është e njohur për tradita kombëtare dhe për qëndresë të pareshtur kundër pushtuesve. Rugova u lind rreth dy javë pas hyrjes së brigadave partizane, që veten e quanin çlirimtare, në Istog dhe në fshatrat e kësaj ane. Së pari vijnë brigadat partizane të Shqipërisë, e pas tyre edhe një brigadë partizane e Malit të Zi, “Brigada e Bokës” e quajtur nga vendësit edhe “Brigada e zezë”, për shkak të krimeve që ka bërë mbi shqiptarët. Rrustem Rugova thotë se pikërisht kjo brigadë e kishte arrestuar gjyshin e tij, ndërsa me të marrë vesh Uka (babai i Rugovës) për arrestimin e babait të tij, shkon pas babait për ta ndihmuar ku edhe arrestohet nga malazezët. Se çfarë dihet deri më tash për fatin e gjyshit dhe babait të Ibrahim Rugovës pas arrestimit të tyre, mund ta dëgjoni rrëfimin e djalit të axhës së tij, Rrustem Rugova në linkun në vijim: https://www.youtube.com/watch?v=FUyov350vkc&ab_channel=FaktemeAdnanMEROVCI Emisioni i plotë: https://www.youtube.com/watch?v=qkrKAFZBFlk&ab_channel=FaktemeAdnanMEROVCI