Zherka: ShBA po e sheh Iranin ashtu siç është me të vërtetë, një satelit rus (VIDEO)

Protestat në Iran kanë shkaktuar trazira të mëdha në vend, ku mediat ndërkombëtare raportojnë se mbi 2500 persona janë vrarë. Ndërkohë, presidenti i ShBA-së, Donald Trump, u ka bërë thirrje iranianëve të martën të vazhdojnë protestat, duke premtuar se ndihma është në rrugë e sipër, transmeton Klankosova.tv. Në emisionin “Ora Shtatë”, njohësi i politikave në ShBA, Bardh Zherka tha se Amerika tash e sa kohë e sheh Iranin për atë që është me të vërtetë, e që sipas tij, shteti është një satelit rus. “Unë besoj që Amerika tash e një kohë e sheh Iranin për çka Irani me të vërtetë është. Domethënë thuajse një satelit rus. Irani prej momentit të luftës 12-ditore,e  ka humbur kredibilitetin jashtëzakonisht shumë në arenën ndërkombëtare”, tha Zherka në Klan Kosova. https://www.youtube.com/watch?v=rN-foGdhAuo