Një kapitene anijeje në Miçigan të SHBA-së zbuloi një mesazh në një shishe nga viti 1926 në fund të një lumi dhe më vonë ishte në gjendje të fliste me vajzën e personit që e shkroi.
Jennifer Dowker, pronare e ndërmarrjes së turneve me varka me dysheme të xhamit,
Nautical North Family Adventures, tha se ajo ishte duke u zhytur në lumin Cheboygan më 18 qershor për të pastruar xhamat në fund të varkës së saj.
Ajo tha se shpesh shikon në dyshemenë e lumit ndërsa zhytet për të parë nëse ka ndonjë send që mund të jetë me interes për klientët e saj.
"Unë thjesht shumë shpesh mbledh shishe të vogla që i gjej në tokë të lumit kur jam duke u zhytur, tha Dowker për USA Today.
Ajo dalloi një shishe të vogël jeshile të zhytur dhe shpejt kuptoi se kishte një copë letër brenda.
Shënimi mban datën nëntor 1926 dhe lexonte: "A do ta kthejë personi që e gjen këtë shishe e këtë letër te George Morrow Cheboygan, Michigan dhe të tregojë se ku u gjet?"
Dowker postoi foto të zbulimit të saj në faqen e kompanisë së saj në Facebook dhe postimi shpejt u bë viral.
"Unë u zgjova të nesërmen në mëngjes dhe kisha shumë mesazhe nga mijëra njerëz të ndryshëm duke thënë 'Oh, kjo mund të jetë e pavërtetë," tha Dowker. "Sinqerisht, mendimi im i parë ishte se si do të gjeja kohën për ta bërë këtë, sepse unë jam një nënë beqare, me tre djem, që drejtoj një biznes".
Dowker shtoi se nuk kishte pse të bënte shumë kërkime, pasi mori një telefonatë në Ditën e Babait nga Michele Primeau, 74 vjeç, e cila tha se ishte kontaktuar nga dikush që pa postimin në Facebook dhe bëri kërkime në fatherry.com.
"Ajo më dërgoi me e-mail fotografine e letrës dhe sapo e pashë e dija që ishte shkrimi i babait tim dhe u gjet në Cheboygan. Ai lindi në Cheboygan dhe jetoi atje deri në të 20-at", tha Primeau.
"Ishte gjithashtu interesante sepse ai e hodhi letrën në lum në nëntor dhe ditëlindja e tij është në nëntor"
Premeau tha se babai i saj, i cili vdiq në 1995, ishte i njohur për lënien e mesazheve të shkruara në vende të papritura.
"Më kujtohet kur po ndryshonim dollapin e ilaçeve në banjën tonë dhe gjetëm një mesazh që babai e kishte shkruar në mur", tha ajo.
●●●
EVSHKRIMI NGA
E V
Editorial nga Klan Kosova — ndjek kuriozitete dhe zhvillimet e tjera kryesore të vendit.
