Zjarr në një lokal në Prishtinë, dyshohet se flakët iu vunë qëllimshëm

Një lokal në rrugën “Fahri Fazliu” në Prishtinë është kapluar nga zjarri të martën rreth orës 23:30. Bazuar në njoftimin zyrtar, rasti është iniciuar si ‘zjarrvënie’, megjithatë nuk është identifikuar ndonjë i dyshuar, transmeton Klankosova.tv. “Raportohet se në lokalin e viktimës mashkull kosovar ka shpërthyer një zjarr. Zjarrfikësit kanë reaguar dhe e kanë shuar zjarrin. Në konsultim me prokurorin është inicuar rasti dhe mbetet në hetime”, thuhet në raportin e policisë.