Zjarret në LA: Arnold Schwarzenegger zotohet të dhurojë 1 milion dollarë ndihmë

Aktori i njohur, Arnold Schwarzenegger u zotua të dhurojë 1 milion dollarë ndihmë, në zjarret që kanë përfshirë Los Anxhelosin. 77-vjeçari përmes Instagramit njoftoi për planet e tij për të kontribuar në këtë fatkeqësi, transmeton Klankosova.tv. Për të ndihmuar ata që janë prekur dhe zhvendosur nga zjarret shkatërruese që shpërthyen për herë të parë në të gjithë zonën më të madhe të Los Anxhelosit më 7 janar, ai tha se po dhuron të holla për Fondacionin e Departamentit të Zjarrfikësve të Los Anxhelosit, Fondacionin e Kalifornisë së Zjarrit dhe Habitat LA.