Themeluesi i Facebook, Mark Zuckerberg dhe bashkëshortja e tij Priscilla Chan, kane premtuar 3 miliardë dollarë me qëllim të financimit të studimeve mjekësore gjate dekadës së ardhshme, shkruan BBC, transmeton Klan Kosova.
Gjatë një konference për media në San Francisco, këta të dy kanë deklaruar që qëllimi i tyre përfundimtar është shërimi, parandalimi apo menaxhimi i të gjitha sëmundjeve deri në fund të shekullit.
Liderë të teknologjisë vazhdimisht janë duke i kushtuar vëmendje shëndetit.
Në fillim të javës Microsoft ka deklaruar që do te tentoj të ofroj zgjidhje për kancerin duke përdorë inteligjencën artificiale.
Ndërsa, njësiti i Google, DeepMind, është duke punuar me NHS, që të ofrojnë një mënyrë të re të diagnostifikimit më të saktë të sëmundjeve.
Me gjithë këto punë plani i Chan dhe Zuckerberg dallohet nga ambiciet.
●●●
ASHKRIMI NGA
A.B
Editorial nga Klan Kosova — ndjek shëndet dhe zhvillimet e tjera kryesore të vendit.
