Të paktën gjashtë persona kanë vdekur dhe të tjerë janë lënduar pasi një autobus u përfshi nga zjarri në një qytet në pjesën perëndimore të Zvicrës, ka thënë policia e vendit.
Incidenti ka ndodhur rreth orës 18:25 të martën në qendër të Kerzers – që në frëngjisht njihet si Chietres – në kantonin e Fribourgut, rreth 20km nga kryeqyteti, Bernë, raporton BBC, transmeton Klankosova.tv.
Së paku tre persona janë dërguar në spital, tha policia, dhe pati raportime se i lënduar ka mbetur edhe një shpëtimtar.
Një operacion i madh i shpëtimit po vazhdon dhe mediat lokale kanë raportuar se edhe një helikopter ka dalë në ngjarje.
Shkaktari i zjarrit ende nuk dihet, por policia tha se po e hetojnë nëse ai është shkaktuar qëllimisht.
Raportohet se autobusi ka udhëtuar nga komuna Dudingen, 17km në jug të Kerzers.
Videot e postuara në media lokale shfaqin një autobus të përfshirë nga flakët dhe tymi.
Jozyrtarisht,
mediat tjera raportojnë se deri te ky incident ka ardhur kur një person i ka vënë flakën vetes në autobus, i lyer me benzinë. /Klankosova.tv
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
