Zvicerani skulpturon kështjella të mëdha në bregun e lumit të tharë (FOTO)

Projekti vjetor i artistit zviceran Francois Monthoux për të ndërtuar skulptura prej balte në brigjet e lumit Toleure të Zvicrës është bërë një kompleks magjepsës kështjellash këtë vit pasi thatësira që ka goditur Evropën e lejon atë të zgjerojë botën e tij të ëndrrave. Monthoux filloi projektin e këtij viti me ambicie modeste gjashtë javë më parë, por thatësira e lejoi atë të ndërtonte një qytet të tërë me maja, shkruan Reuters, transmeton Klan Kosova. Tani ai ka ndjenja të përziera: dëshiron të bjerë shi, por është i trishtuar nga mendimi se bota e tij e ëndrrave zhduket bashkë me shiun. "Unë e imagjinoj jetën e njerëzve që ecin nën harqe, nën urë, duke parë monumentet, duke parë qytetin," tha Monthoux, i cili punon me argjilën nga shtrati i tharë i lumit Toleure në kantonin Vaud në Zvicrën perëndimore. "Pra, unë hyj në një flluskë dhe bëhem një ëndërrimtar ... Unë shoh botën e tyre duke u krijuar nën gishtat e mi," shtoi ai. Monthoux, një adhurues i natyrës, thotë se është i trishtuar kur sheh bimë që vdesin përreth tij dhe "do të ishte një katastrofë". “Sigurisht që jam pak i trishtuar, sepse më vjen keq që do të zhduket forma që i dhash”, tha ai. "Unë nuk kam fjalë për të thënë atë që ndjej, sepse është ... është thjesht sublime," tha Heidi Butty, një banore e Vaud.

klankosova.tv