Real Madrid ka bërë një përpjekje të qëllimshme për të nënshkruar me lojtarë të rinj të talentuar gjatë 12 muajve të fundit, me synimin për të përmirësuar opsionet në La Fabrica. Megjithatë, një prej talenteve që ata u përpoqën ta sillnin në verë, tani pritet të humbasë mundësinë për t’u transferuar në Santiago Bernabeu.

Në korrik u raportua se Real Madrid kishte arritur marrëveshje për të nënshkruar me Abdellah Ouazane, kontrata e të cilit me Ajax kishte përfunduar. 16-vjeçari udhëtoi drejt kryeqytetit spanjoll për testet mjekësore, por shqetësues ishte fakti se nuk i kaloi ato me sukses.

Fillimisht, Real Madrid e ftohu interesimin e tyre pas kësaj, por më vonë morën në konsideratë ta finalizonin marrëveshjen gjithsesi. Megjithatë, tani kanë vendosur të mos e bëjnë.

Sipas Fabrizio Romano, Ajax ka arritur marrëveshje për ta ri-nënshkruar Ouazane, pas dështimit të transferimit të tij te Real Madrid. Ai pritet të zyrtarizohet si lojtar i Ajax-it në ditët e ardhshme.

Ouazane është një mesfushor sulmues dhe pavarësisht se vlerësohet shumë, Real Madrid tashmë ka lojtarë si Jude Bellingham, Arda Güler dhe afrimin e ri Franco Mastantuono, i cili shihet me shumë perspektivë nga drejtuesit e klubit. Në këtë aspekt, humbja e këtij talenti nuk shihet si problem madhor.

Në vitet e ardhshme, mund të rezultojë se Real Madrid ka bërë gabim duke mos e nënshkruar Ouazane pavarësisht dështimit në testet mjekësore, por aktualisht ata ndihen të qetë me opsionet që kanë në dispozicion Xabi Alonso dhe trajneri i Castilla-s, Alvaro Arbeloa.

Fokusi i Real Madrid tani është tek lojtarët që kanë tashmë, ndërsa planet e departamentit sportiv po përqendrohen kryesisht te shitjet – me disa talente të La Fabrica-s që tashmë janë larguar që nga fillimi i verës./GazetaExpress/