Presidentja Vjosa Osmani ka mohuar se Kosova ka detyrime financiare me përfshirjen e saj në Bordin e Paqes.

E pyetur sot nga gazetarët, ajo tha se kjo gjë s’ishte cekur në dokumentacionin që SHBA i ka dërguar Kosovës.

“Një gjë e tillë nuk është përmendur në dokumentacionin që është na dërguar. Ju e keni parë ftesën, por edhe në dokumentacionin përcjellës nuk përmendet çështja e ndonjë pagese. I lihet shteteve që këtë gjë ta bëjnë në mënyrë vullnetare”.

Osmani shtoi se për të gjitha çështjet janë në “koordinim të plotë me Shtetet e Bashkuara të Amerikës”.

Në media është përmendur një shifër prej 1 miliard dollarësh që shtetet themeluese do të kontribuojnë.

Megjithatë, edhe zyrtarët në Shqipëri kanë thënë se diçka e tillë nuk iu është kërkuar./Express/