Të hënën në mëngjes, një incident që përfshinte sprej me piper ndodhi në shkollën e mesme Haslen në Uznach, në kantonin e St. Gallen.

Pak para orës 10:45 të mëngjesit, policia kantonale e St. Gallen mori një raport se një sprej irritues ishte spërkatur në një korridor të ndërtesës “Haslen Neubau”, transmeton albinfo.ch. Disa nxënës më pas u ankuan për kollë të vazhdueshme dhe djegie në sy.

Shërbimet e emergjencës u dërguan menjëherë në shkollë. 45 nxënës të moshës 14 deri në 16 vjeç iu nënshtruan ekzaminimeve mjekësore, shkruan thurgauerzeitung.ch.

Paramedikët dhe anëtarët e njësisë mjekësore të departamentit të zjarrfikësve Rapperswil-Jona ishin në vendngjarje. Të gjithë të prekurit u liruan pasi u ekzaminuan. Asnjëri  nuk kishte nevojë për shtrim në spital.

Sipas policisë, mësimi i pasdites vazhdoi normalisht.

Ekipi i reagimit kimik Rapperswil-Jona dhe specialistët nga Qendra e Shkencave Forenzike e Policisë Kantonale të St. Gallen e identifikuan substancën e spërkatur si sprej me piper. Zonat e prekura të ndërtesës së shkollës u ventiluan më pas. Ekipet e ndihmës së shpejtë konfiskuan një bombol me sprej me piper nga një nxënës 15-vjeçar.

Policia menjëherë nisi një hetim, të porositur nga Zyra e Prokurorit të të Rinjve të Kantonit të St. Gallen./Albinfo.ch