Afganistani dhe Pakistani kanë dhënë deklarata kundërthënëse lidhur me sulmet e raportuara me dronë të nisura nga Talebanët kundër Pakistanit.

Talebanët në Afganistan “kanë kryer me sukses” sulme ajrore duke përdorur dronë për të goditur objektiva ushtarake në Pakistan, njoftuan Ministria e Mbrojtjes dhe një zëdhënës i qeverisë.

Ministri pakistanez i Informacionit, Attaullah Tarar, tha se militantët talebanë pakistanezë kishin tentuar të përdornin dronë kundër objektivave në Pakistan, por ata u rrëzuan nga sistemet kundër-dron dhe nuk pati “asnjë dëm në njerëz”.

Raportimet nuk mund të verifikoheshin në mënyrë të pavarur, raportoi BBC.

Pakistani goditi Kabulin, kryeqytetin afgan, si pjesë e një vale sulmesh në mbarë vendin, sipas një zyrtari qeveritar.

Sulmet pakistaneze të së premtes erdhën pasi Talebanët afganë njoftuan të enjten në mbrëmje për një ofensivë të madhe kundër posteve ushtarake pakistaneze pranë kufirit. /Express/