Analisti politik Agon Maliqi ka reaguar lidhur me zhvillimet e fundit politike në Kosovë, pas dështimit të Kuvendit për ta zgjedhur presidentin e ri brenda afatit kushtetues.
Përmes një postimi në rrjetin social X, Maliqi ka theksuar se vendi po shkon drejt një cikli të ri zgjedhjesh të jashtëzakonshme.
“Besoni apo jo, Kosova po shkon drejt një pale të re zgjedhjesh të jashtëzakonshme pasi Kuvendi nuk arriti të pajtohet për zgjedhjen e presidentit në kohë. Presidentja Osmani sapo ka nxjerrë dekretin për shpërndarjen e Kuvendit”, thuhet në postimin e tij.
Believe it or not, Kosovo is going into a new set of snap elections after parliament failed to agree on a new president on time! President Osmani just issued a decree dissolving parliament!
Maliqi ka shtuar se pritet që vendimi të kundërshtohet në Gjykatën Kushtetuese, por ai nuk beson se kjo do ta ndryshojë situatën.
“Ata me siguri do të ankohen në Gjykatën Kushtetuese, por nuk e shoh që kjo do të ndryshojë diçka – mund vetëm t’i vonojë zgjedhjet për një kohë”, ka shkruar Maliqi.
