Një aksident ka ndodhur në fshatin Prilep të Deçanit rreth orës 21:00, ku dy si rezultat i ndeshjes mes dy veturave, dy persona janë lënduar.
Aksidenti ka ndodhur në magjistralen Pejë – Gjakovë.
Lajmin për Gazetën Express e ka konfirmuar Xhevat Ibraj nga Policia e Kosovës.
“Aksidenti ka ndodhur rreth orës 21:00 të mbrëmjes, ku si rezultat i aksidentit dy persona kanë marrë lëndime trupore të cilët më pas janë shoqëruar në qendër mjekësore. Personat janë jashtë rrezikut për jetë”, ka konfirmuar Ibraj.
Tutje, Ibraj tha se prokurori është njoftuar për aksidentin dhe njësitet e rendit kanë dalë në vendin e ngjarjes.
