Një person ka vdekur si pasojë e një aksidenti që ka ndodhur në fshatin Nadakoc të Vushtrrisë.
Policia përmes raportit 24 orësh ka njoftuar se aksidenti ka ndodhur mes tri veturave, dy civile dhe nje veturë zyrtare e policisë.
Vdekjen e viktimës e ka konstatuar ekipi mjekësor në vendngjarje.
Njoftimi i plotë:
Fsh. Nadakoc, Vushtrri 19.03.2026 – 20:00. Tri vetura (dy civile dhe një veturë zyrtare e policisë) dhe një këmbësor janë përfshirë në aksident trafiku. Si pasojë e lëndimeve të marra në aksident, ka ndërruar jetë këmbësori mashkull kosovar. Vdekjen e viktimës e ka konstatuar ekipi mjekësor në vendngjarje. Me vendim të prokurorit trupi i pajetë është dërguar në IML për autopsi, kurse drejtuesi i njërës prej veturave, i cili dyshohet të jetë shkaktar i aksidentit është dërguar në mbajtje.
