Sistemi Prokurorial ka njoftuar se pas një hetimi disa mujor në bashkëpunim të ngushtë me Policia e Kosovës, janë ndaluar për 48 orë dy persona me inicialet M.M. dhe Z.J, në Prishtinë.

Sipas njoftimit zyrtar, "të dyshuarit dyshohet se, në bashkëpunim edhe me persona të tjerë, kanë kryer veprat penale “Mashtrimi” nga neni 323 i Kodit Penal të Republikës së Kosovës, “Falsifikimi i dokumenteve” nga neni 390 dhe “Legalizimi i përmbajtjes së rreme” nga neni 395 i KPRK-së".

Rasti ndërlidhet me një pronë të paluajtshme me sipërfaqe prej 56 ari, e cila ndodhet në Veternik, në Prishtinë.

Gjatë veprimeve hetimore, autoritetet kanë sekuestruar prova materiale, përfshirë një veturë në vlerë prej 50 mijë deri në 60 mijë euro, 20 mijë euro para të gatshme, dokumente të ndryshme pronësore që dyshohet se janë të falsifikuara, si dhe katër telefona celularë që do të shërbejnë si prova në procedurën e mëtejshme hetimore.

Njoftimi i plotë:

Aksioni i Prokurorisë në Prishtinë, sekuestrohen para, veturë dhe dokumente të falsifikuara

Prishtinë, 25 shkurt 2026 - Prokuroria Themelore në Prishtinë, Departamenti për Krime të Rënda, njofton opinionin publik, se pas një hetimi disa mujor në bashkëpunim të ngushtë me Policinë e Kosovës, me urdhër të Prokurorit të Shtetit, janë ndaluar për 48 orë personat me inicialet M.M dhe Z.J.

Të njëjtit, dyshohen se në bashkëpunim edhe me persona të tjerë, kanë kryer veprat penale: “Mashtrimi” nga neni 323 i KPRK-së, “Falsifikim i dokumenteve” nga neni 390 i KPRK-së, dhe “Legalizim i përmbajtës së rreme” nga neni 395 i Kodit Penal të Republikës së Kosovës.

Rasti ka të bëjë me vepra penale që ndërlidhen me pronën e paluajtshme e cila gjendet në Veternik, me sipërfaqe prej 56 ari.

Në kuadër të veprimeve hetimore të ndërmarra në këtë çështje, nga personat e dyshuar janë sekuestruar këto prova materiale: një (1) veturë në vlerë prej 50,000 deri në 60,000 euro; para në shumën prej 20,000.00 (njëzet mijë) euro; dokumente të ndryshme pronësore, të cilat dyshohen se janë të falsifikuara; si dhe katër (4) telefona celularë, të cilët do të shërbejnë si prova materiale në procedurën e mëtejshme hetimore.

Prokuroria Themelore në Prishtinë, ndaj të dyshuarve do t’i ndërmarrë veprimet e mëtejshme ligjore, ndërsa hetimet lidhur me këtë çështje penale do të vazhdojnë në koordinim me Policinë e Kosovës.