Aktori i njohur shqiptar, Florjan Binaj, ka rezultuar pozitiv me koronavirus.
Binaj ka bërë të ditur se është vetizoluar qysh para testimit dhe se tash për tash s’ka asnjë simptomë.
“Jam aq pozitiv si tip sa që dola pozitiv edhe me COVID-19”, ka shkruar ai në një postim në Facebook. “Të dashur ndjekës, fansa, miq dhe mikesha, pas një testimi rutinë, fati donte që unë të qëlloja i prekur nga virusi Covid-19. U vetizolova që para testimit dhe do qëndroj në izolim si gjithë të tjerët deri në përfundim të karantinës. Fatmirësisht nuk kam asnjë simptomë dhe asnjë shqetësim dhe gëzoj shëndet të plotë. Mendova t’jua them vetë të vërtetën sesa ta lexoni nga portalet që për ndonjë klikim janë të gatshëm të shkruajnë çdo gjë!”, ka shkruar ai në Facebook duke shtuar me shaka se “virusin e mora në Gjermani, por kilometrat i ka origjinale të vetat!”.
Në Shqipëri, të enjten u regjistruan 66 raste të reja me koronavirus. Numri total i të infektuarve në Shqipëri ka arritur në 1788.
