Cristiano Ronaldo udhëhoqi Al-Nassrin drejt një fitoreje spektakolare 5-2 ndaj Al-Najma të premten në mbrëmje, në kuadër të javës së 27-të të Saudi Pro League, duke dhuruar një paraqitje të jashtëzakonshme me dy gola.

Me këtë fitore, Al-Nassri shkon në 70 pikë në krye të tabelës, duke e çuar në gjashtë pikë diferencën ndaj Al-Hilal, që luan ndaj Al-Taawoun.

Golët për Al-Nassrin u shënuan nga Abdullah Al-Hamdan (45+8), Sadio Mané (dy gola: 45+9 dhe 90+5) dhe Cristiano Ronaldo (56’ dhe 73’), ndërsa për Al-Najma realizuan Rakan Rajeh (44’) dhe Filipe Cardoso (47’).

Kjo ndeshje shënoi rikthimin e Ronaldos në fushë pas 34 ditësh mungesë për shkak të një dëmtimi në kofshë. Ai kishte munguar në dy ndeshjet e fundit të kampionatit, por u rikthye në formacion nga trajneri Jorge Jesus.

Ylli portugez e nisi fuqishëm ndeshjen, duke krijuar disa raste që në pjesën e parë, përfshirë një goditje të fortë në minutën e 17-të që u ndal nga portieri kundërshtar dhe një tjetër rast të rrezikshëm në minutën e 27-të.

Megjithatë, pavarësisht dominimit të vendasve, ishte Al-Najma që kaloi e para në avantazh në minutën e 44-të me golin e Rajeh, pas një kundërsulmi të shpejtë.

Por reagimi i Al-Nassr ishte i menjëhershëm dhe vendimtar. Në pjesën e dytë, Cristiano Ronaldo mori në dorë ndeshjen, duke realizuar dy herë dhe duke udhëhequr ekipin drejt një fitoreje të madhe që e mban në krye të kampionatit./GazetaExpress/