Venkateswari Alagendra e cila përfaqëson Jakup Krasniqin gjatë deklaratës së saj përmbyllëse ka thënë se klienti i saj duhet të shpallët i pafajshëm.

Ajo tha se ky 75 vjeçar duhet të lejohet që vitet që i ka caktuar Zoti, t’i kalojë me familjen e vetë.

“Ekziston vetëm një opsion që ju të merrni vendim pafajësie për të gjitha akuzat e ngritura ndaj Jakup Krasniqit…Do ju bëjmë thirrje që në provat dispozicion që të shpallni të pafajshëm z.Kransiqi. ta lejoni këtë zotri 75-vjecar që të kthehet në familjen e vetë dhe të kalojë vitet që i ka caktuar zoti me familjen e vetë”, tha Alagendra.

Alagendra tha se Krasniqit i është dashur shumë kohë për të arritur në përfundim se çështja e Prokurorisë përshkruhet në dobësi dhe mospërputhje të shumta.

“Jakup Krasniqit i është dashur që të pres shumë kohë për të mberritur në përfundimin se çështja e Prokurorisë përshkruhet nga dobësi, mospërputhje dhe kontradikta të dukshme, të shumta dhe të përhapura”, tha ajo.

Përveç kësaj, ajo përmendi edhe raportin e Dick Martyt të 2011-ës duke shtuar se asnjë prej pretendimeve të raportit nuk kanë quar në ngritjen e ndonjë akuze.

“Në janar të 2011-ës Dick Marty lëshoi një raport i cili shërbeu si katalizë për veprimet dhe krijimin e DhSK-së më pas. Historianët, analistët dhe juristët mund të thonë në të ardhmen që shumë prej pretendimeve hiperbolistike, të çuditshme të përfshira në atë raport nuk kanë quar në ngritjen e një akuze”, tha ajo.

Përveç kësaj, ajo tha se ky raport nuk ka përfshirë asnjë pretendim për vepër penale të kryer nga Krasniqi.

“Siç e dini nuk kemi asnjë akuzë për trafikim organesh këtu përpara kësaj gjykate dhe ky raport nuk përfshinë asnjë pretendim për vepra penale të kryera nga Jakup Krasniqi”, tha Alagendra.

“Një gjë është e qartë, më shumë se pesë vite më përpara Jakup KRansiqi është arrestuar, i është hequr liria dhe ka qëndruar në paraburgim për 1926 ditë, larg prej bashkëshortes së tij, katër fëmijëve të tij, nipërve dhe mbesave”, tha ajo.

Fjala përmbyllëse e Prokurorisë filloi të hënën e 9 shkurtit 2026, dhe përfundoi një ditë më pas, më 10 shkurt, ku kryeprokurorja e specializuar, Kimberly Ëest, kërkoi dënim unik me nga 45 vjet burgim për secilin nga katër të akuzuarit. Po më 10 shkurt u dha fjala përfundimtare edhe nga mbrojtësi i viktimave, Simon Laës.

Ndërsa, më 11 shkurt 2026, dha fjalën e tij përfundimtare mbrojtja e Hashim Thaçit dhe e filloi mbrojtja e Veselit, e cila e vazhdoji edhe më 12 shkurt e që pas përfudimit të tyre, filloi ajo e Rexhep Selimit.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /BetimipërDrejtësi