Alan Wiggins është përforcimi i radhës i KB Ponte Prizrenit.
Klubi prizrenas ka njoftuar këtë të diel për arritjen e marrëveshjes me basketbollistin amerikan, shkruan Gazeta Express.
Alo-qendra është i gjatë 205 centimetra. Ai karrierën e ka zhvilluar në Francë, Japoni, Ukrainë, Turqi e Lituani.
Wiggins së fundmi ishte pjesë e Posusjes në elitën e basketbollit boshnjak, ku regjistroi 8 paraqitje me statistika prej 15.5 pikëve e 10.4 kërcimeve.
Kujtojmë se Ponte Prizreni të shtunën zyrtarizoi edhe transferimin e Adam Grant, i cili u aktivizua te Trepça në pjesën e parë të këtij sezoni.
/Gazeta Express/
