Pas sulmeve të Izraelit dhe SHBA-ve ndaj Iranit, Teherani është kundërpërgjigjur duke i goditur vendet e rajonit ku ndodhen baza ushtarake amerikane.
Një prej tyre është Katari.
Ish-trajneri i Italisë, kampion i Evropës në vitin 2021 me “Azzurrët”, Roberto Mancini, i ka treguar momentet e tensionit dhe të tmerrit për “TG1”, përcjell “Gazeta Express”.
“Filloi të binte alarmi në telefonin tim, njoftimi ishte në arabisht. Më erdhën pesë ose gjashtë mesazhe. Pak më vonë nisën shpërthimet. Ishim në meshë, alarmet erdhën ndërsa ndodheshim në kishë. Mesazhet thoshin të ktheheshim menjëherë në shtëpi dhe të mos lëviznim prej andej.”
Tra gli italiani che vivono con preoccupazione l’evolversi della situazione, c’è anche l’ex CT della Nazionale, Roberto #Mancini. La sua testimonianza da #Doha.#Tg1 Alessandra Barone pic.twitter.com/ybEiZstbqz
Mancini, aktualisht trajner i skuadrës katariote Al-Sadd, ka publikuar në rrjetet sociale edhe video nga momentet e shpërthimeve.
Trajneri italian shtoi: “Ka një dislokim të jashtëzakonshëm forcash këtu në Gjirin Persik. Kishim frikë se mund të ndodhte diçka. Shpresonim që diplomacia ta zgjidhte tensionin. Tani shpresojmë për më të mirën. Nëna ime më telefonoi, por i thashë të qëndrojë e qetë.”
Situata në rajon mbetet e tensionuar, ndërsa zhvillimet e fundit e kanë shtuar pasigurinë në disa vende të Lindjes së Mesme. /Gazeta Express
