Alexander Isak, i cili u transferua tek Liverpool nga Newcastle United javën e kaluar, u pa për herë të parë duke stërvitur me ekipin, dhe fansat e Reds reaguan menjëherë në rrjetet sociale.
Pas javësh spekulimesh, sulmuesi suedez realizoi transferimin e ëndrrave, duke u bërë pjesë e Liverpoolit për një shifër rekord britanike në ditën e fundit të merkatos.
Isak ishte goditja përfundimtare e Liverpoolit këtë verë, pas përforcimeve të mëparshme si Jeremie Frimpong, Florian Wirtz, Hugo Ekitike, Milos Kerkez, Giovanni Leoni, Armin Pecsi dhe Freddie Woodman.
Pas përfundimit të detyrimeve me Suedinë, 25-vjeçari u stërvit me Liverpoolin për herë të parë të mërkurën, dhe klubi postoi një video nga dita e tij e parë me ekipin.
Në materialin e publikuar, Isak tregoi shenja të aftësive të tij duke shënuar disa gola dhe duke impresionuar fansat.
Alexander Isak's first day in training 🤩⚽️ pic.twitter.com/peYjToGtRb
Reagimet në komentet e videos:
Një tifoz shkroi: "Kam parë mjaftueshëm. Filloni me të kundër Burnley."
Një tjetër komentoi: "E shoh më shumë nga krahu i majtë në disa momente."
Një i tretë shtoi: "Finish-i i tij, oh Zot, sa i bukur!"
Një tjetër shkroi: "Lëvizja e shpatullës është thjesht e pabesueshme."
Një i pestë komentoi: "Po, është gati për Burnley."
Ndërsa një tifoz i fundit tha: "Akoma nuk mund ta besoj që luan për klubin tim. Çfarë transferimi!"
Gjatë një deklarate së fundit ndërkombëtare, Isak theksoi se jo i gjithë publiku kishte pasur informacionin e plotë për saga-n e tij të transferimit.
“Jo të gjithë e dinë tërë historinë, por kjo është për një tjetër ditë. Është pjesë e futbollit. Nuk mund të kontrolloj gjithçka që thuhet ose shkruhet, por jam i lumtur që u bëra lojtar i Liverpoolit. Kjo ishte ajo që doja dhe jam i kënaqur me këtë.”
Liverpool rikthehet në Premier League këtë fundjavë, duke u përballur me Burnley-n e sapo-ngjitur në Turf Moor të dielën pasdite. /GazetaExpress/
