Ambasadori i Gjermanisë në Kosovë, Rainer Rudolph u takua me Vjosa Osmani përpara përfundimit të mandatit të presidentes.
"Kosova dhe Gjermania ndajnë një përkushtim të fortë ndaj lirisë dhe demokracisë: Në një takim me Presidenten Vjosa Osmani përpara përfundimit të mandatit të saj, Ambasadori Rainer Rudolph i dhuroi asaj një libër mbi historinë e Murit të Berlinit – një kujtesë se si vendimet politike mund të ndajnë, por edhe të ribashkojnë njerëzit", shkroi ambasada gjermane në një postim në Facebook ku njoftoi për takimin.
Ambasada tha se ambasadori i shprehu Osmanit "mirënjohjen e tij për bashkëpunimin e shkëlqyer gjatë mandatit të saj".
"Urimet më të ngrohta për Presidenten Osmani për angazhimet e saj të ardhshme, si në aspektin profesional ashtu edhe në atë personal!", shkroi ambasada gjermane.
