Agjencia e Menaxhimit Emergjent (AME) do të mbajë sot konferencë për media lidhur me situatën e vërshimeve dhe masat e ndërmarra për menaxhimin e tyre. Konferenca do të fokusohet në operacionet në terren, koordinimin ndërinstitucional si dhe rekomandimet për përballimin e emergjencave.

Ngjarja do të zhvillohet në selinë qendrore të AME-së, në Hajvali, ku përfaqësuesit e kësaj agjencie pritet të informojnë publikun mbi gjendjen aktuale në zonat e prekura nga vërshimet, kapacitetet e angazhuara dhe bashkëpunimin me institucionet relevante në nivel qendror dhe lokal.