Policia e Kosovës dhe ajo e Shqipërisë kanë kryer një kurs pesëditor të ekzaminimeve kompjuterike për pajisjet celulare. Këtë e ka bërë të ditur ambasada e Shteteve të Bashkuara të Amerikës në Tiranë, e cila edhe i ka uruar ata, duke theksuar se programi në fjalë është intensiv dhe se ka mbledhur së bashku njëmbëdhjetë ekspertë të ekzaminimeve kompjuterike për të përvetësuar aftësitë e nevojshme për kryerjen e hetimeve në përputhje me ekspertizën ligjore.

Nga ambasada është bërë e ditur edhe se drejtuesi në detyrë i Zyrës së Sigurisë Rajonale, Jonathan Ellis, ishte i pranishëm për të përgëzuar të diplomuarit dhe për të vlerësuar angazhimin e tyre në fuqizimin e zbatimit të ligjit në hetimet digjitale.

‘’Urime pjesëmarrësve nga Policia e Shtetit të Shqipërisë dhe Policia e Kosovës për përfundimin me sukses të një kursi pesëditor të ekzaminimeve kompjuterike për pajisjet celulare, duke certifikuar hetuesit në rikuperimin dhe analizën e zhvilluar digjitale. Ky program intensiv, i mbajtur në partneritet me Zyrën tonë Rajonale të Sigurisë dhe Zyrën e Ndihmës për Antiterrorin, mblodhi së bashku njëmbëdhjetë ekspertë të ekzaminimeve kompjuterike për të përvetësuar aftësitë e nevojshme për kryerjen e hetimeve në përputhje me ekspertizën ligjore. Drejtuesi në detyrë i Zyrës së Sigurisë Rajonale, Jonathan Ellis, ishte i pranishëm për të përgëzuar të diplomuarit dhe për të vlerësuar angazhimin e tyre në fuqizimin e zbatimit të ligjit në hetimet digjitale’’, ka njoftuar ambasada.