Portieri i Manchester United është bashkuar me skuadrën turke në formë huazimi njësezonal.
Tifozët e Manchester United nuk mund ta besonin atë që bëri Andre Onana vetëm në ndeshjen e tij të dytë me klubin e ri, Trabzonspor.
Pas dy vitesh të trazuara, portieri i United, Onana, më në fund u largua nga klubi më 11 shtator, duke iu bashkuar Trabzonspor-it në huazim për një sezon.
Përfaqësuesi kamerunas iu bashkua Djajve të Kuq nga Interi në verën e vitit 2023 për një shumë prej 47.2 milionë paund, por nuk arriti të bindte gjatë 102 paraqitjeve mes shtyllave.
Pas vendimit të trajnerit të United, Ruben Amorim, për të mos e aktivizuar Onanën në asnjë nga tre ndeshjet hapëse të Premier League, si dhe afrimit të portierit të ri Senne Lammens në ditën e fundit të merkatos, u bë e qartë se e ardhmja e 29-vjeçarit nuk ishte më në “Old Trafford”.
Dhe mund të thuhet se Onana ka lënë përshtypje që në fillim tek klubi i Super Ligës, me shumë tifozë të United të habitur nga paraqitja e tij më e fundit me skuadrën e re.
Vetëm tre ditë pas zyrtarizimit të transferimit, Onana debutoi për Trabzonspor në ndeshjen e kampionatit kundër gjigantëve turq të Fenerbahçes, duke fituar çmimin Lojtari i Ndeshjes pavarësisht humbjes 1-0 të skuadrës së tij.
Por në ndeshjen e dytë, Onana shtoi edhe më shumë tek nisja e tij mbresëlënëse, duke ndihmuar skuadrën të siguronte një pikë kundër Gaziantepit, pasi dha asistin për golin e barazimit të shënuar nga shoku i skuadrës, Paul Onuachu.
✨ Asist Andre Onana'dan, gol Paul Onuachu'dan…
🌊 Trabzonspor'un yıldızları, beraberlik golünde sahnede! | #TSvGFK pic.twitter.com/54Upr8XnuI
Me skuadrën e tij që humbiste 1-0 në minutën e 70-të, Onana mori topin jashtë zonës së tij dhe e dërgoi përpara tek sulmuesi, i cili kaloi me zgjuarsi katër mbrojtës dhe portierin e Gaziantepit për të siguruar një barazim.
Duke reaguar ndaj këtij momenti, një tifoz i United shkroi në rrjetet sociale:
“Andre Onana sapo dha asist për golin e Trabzonsporit. Largohu nga Man Utd dhe bëhu përsëri futbollist i mirë.”
Ndërsa një tifoz rival shtoi:
“Çdo lojtar lulëzon larg United. Një klub i kalbur.”
Një tjetër tifoz i United komentoi:
“Liga perfekte për të, në Premier nuk do ta linin ta bënte këtë.” /GazetaExpress/
Edhe pse Onana duket qartë se po e shijon jetën në klubin e tij të ri, tifozët e United me shumë gjasa janë të kënaqur pa të, pasi skuadra e tyre siguroi një fitore të rëndësishme kundër Chelseat pak para paraqitjes së Onanës me Trabzonspor.
Një ndeshje kaotike, që pa kartona të kuq për të dyja palët, përfundoi me rezultatin 2-1 për vendasit, me gola nga kapiteni Bruno Fernandes dhe Casemiro.
Portieri i përfaqësueses së Turqisë, Altay Bayindir, bëri startin e tij të pestë në Premier League për United, ndërsa afrimi i ri Lammens ende nuk ka debutuar. /GazetaExpress/
