Portieri i Manchester United, Andre Onana, u përplas me një tifoz pas ndeshjes së Kamerunit, që pësoi humbje 1-0 ndaj Kap Verdes në kualifikueset për Kupën e Botës.
Ngjarja ndodhi pas golit vendimtar të Dailon Livramento, që mposhti Onanën pas një gabimi në pozicionim, duke dërguar Kamerunin drejt humbjes.
Pas përfundimit të ndeshjes, shumë tifozë invaduan fushën për të festuar fitoren historike të Kap Verdes. Njëri nga tifozët u afrua pranë Onanës, duke tentuar të bënte një selfie, por portieri reagoi duke e larguar me dorë. Më pas, i njëjti tifoz duket se hodhi një shishe uji ndaj Onanës.
Onana shoving a fan after Cameroon's game yesterday. 😭😭 [@UtdKev8]
pic.twitter.com/bhUJQ9QpU6
Situata e Onanës te Manchester United
Për portierin 29-vjeçar, kjo ka qenë një periudhë e pasigurt, ndërsa raportohet se është afër një huazimi sezonal te Trabzonspor në Super Ligën Turke. Ai nuk u përfshi në tre ndeshjet e para të Premier League ndaj Arsenal, Fulham dhe Burnley, duke u preferuar portieri i sezonit të kaluar, Altay Bayindir.
Me ardhjen e Senne Lammens nga Royal Antwerp për 18 milionë paund në ditën e fundit të merkatos, Onana ka rënë edhe më poshtë në hierarki.
Interes i kufizuar për transferimin e Onanës
Ligue 1 dhe klubi i Monacos dyshohej se kishte shfaqur interes, por kur mësuan se portieri do të kushtonte të paktën 30 milionë paund, vendosën të tërhiqeshin.
Gjithashtu, West Ham refuzoi mundësinë e transferimit, duke e vlerësuar se Onana nuk ishte më i mirë se portierët që tashmë kanë në skuadër.
Mads Hermansen u transferua këtë verë nga Leicester City për 18 milionë paund, ndërsa Alphonse Areola u bashkua me klubin në vitin 2022 nga PSG për 11 milionë paund.
Onana pritet të vendosë për të ardhmen e tij gjatë javëve në vijim, ndërsa tifozët e Kamerunit kanë ende të freskët humbjen historike ndaj Kap Verdes. /GazetaExpress/
