Angelina Jolie-së iu refuzua kërkesa për të hequr gjyqtarin John W. Ouderkirk nga mbikëqyrja e divorcit të saj me Brad Pitt dhe çështjen e kujdestarisë familjare.
Në dokumentet e gjykatës të depozituara të hënën, Gjykata Superiore e Kalifornisë në Orange County vendosi që gjykatësi Ouderkirk, që ka martuar ish-çiftin në 2014, do të vijojë me çështjen.
Në gusht se Angelina Jolie, kishte kërkuar heqjen e Ouderkirk pasi nuk kishte zbuluar plotësisht marrëdhëniet e saj të biznesit me avokatët e Pitt.
Në një dokument të paraqitur në atë kohë në Gjykatën Superiore të Los Anxhelosit, Jolie argumentoi që Ouderkirk duhej të ishte hequr nga çështja për shkak të marrëdhënies së tij me njërën nga palët.
Gjykatësi nuk kishte zbuluar se ai “ka marrëdhënie të vazhdueshme biznes dhe profesional” me ekipin ligjor të Pitt, kështu që Angelina Jolie mendoi se nuk ishte e drejtë që ai po kryesonte seancat.
Por gjykata tha jo dhe vendosi zyrtarisht që Ouderkirk do të mbetet në çështje.
Ky vendim u mor sepse, sipas dokumenteve të marra nga “People”, gjyqtari kishte komunikuar me kohë të gjithë informacionin e nevojshëm për çështjet që e përfshinin atë me firmën ligjore që përfaqësonte Brad Pitt.
Për më tepër, do të dukej se Angelina Jolie e dinte emërimin e gjyqtarit Ouderkirk që në vitin 2018, dhe për këtë arsye do ta kishte ngritur çështjen shumë vonë.
Pas katër vjetësh, beteja ligjore midis Brad Pitt dhe Angelina Jolie ende nuk ka mbaruar. Aktorja bëri kërkesë për divorc në vitin 2016, por të dy ende nuk kanë arritur një marrëveshje.
Një nga arsyet, mbase kryesore, pse ky divorc nuk ka mbaruar ende është çështja e kujdestarisë së fëmijëve: Maddox, 19 vjeç, Pax, 16 vjeç, Zahara, 15 vjeç, Shiloh, vjeç dhe binjakët Knox dhe Vivienne, 12 vjeç.
Në këtë drejtim, marrëveshja e fundit e çiftit daton që nga viti 2018, por padyshim që nuk funksionoi: Brad Pitt dëshiron më shumë kujdestarinë e përbashkët të gjashtë fëmijëve të tij dhe për këtë e çoi Jolie në gjykatë.
Nga ana e saj, Jolie nuk e pëlqen atë dhe kërkon një vlerësim psikologjik të ish-burrit të saj para se të arrijë një marrëveshje mbi kujdestarinë.
