Është zyrtare – Anglia do të marrë pjesë në Kupën e Botës 2026.

“Tre Luanët” siguruan vendin e tyre në turneun e vitit të ardhshëm duke mposhtur 5-0 Letoninë.

Kjo fitore bëri që Anglia të ruajë rekordin prej 100% në Grupin K dhe ta bëhet kombëtarja e parë nga Evropa që kualifikohet.

Tani, tifozët e “Tre Luanëve” mund të fillojnë zyrtarisht përgatitjet për garën e vitit të ardhshëm, e cila do të mbahet në SHBA, Meksikë dhe Kanada.

Ka shqetësime për mot ekstrem, oraret e nisjes së ndeshjeve në orët e para të mëngjesit dhe çmimet e larta të biletave.

Si nikoqirë, SHBA, Kanadaja dhe Meksika kanë siguruar automatikisht vendet e tyre në turne, i cili do të jetë i pari në histori me 48 ekipe pjesëmarrëse.

Kështu mbeten 45 vende të tjera për t’u fituar, me rreth gjysmën tashmë të plotësuara.

Japonia u bë kombi i parë që kualifikohet në mars me një fitore 2-0 ndaj Bahrainit.

Irani, Uzbekistani, Koreja e Jugut, Jordania dhe Australia janë ekipet e tjera aziatike që janë kualifikuar, ndërsa dy vende të tjera janë ende në lojë.

Një vend shtesë do të vendoset përmes një playoffi.

Në rajonin e Amerikës së Veriut, Qendrore dhe Karaibeve (Concacaf), ende nuk ka ekipe të kualifikuara.

Megjithatë, Bermuda, Kosta Rika, Kurasao, El Salvador, Guatemala, Haiti, Honduras, Xhamajka, Nikaragua, Panama, Suriname, Trinidad dhe Tobago janë ende në garë.

Në Amerikën e Jugut, të gjashtë vendet e kualifikuara – Argjentina, Brazili, Ekuadori, Uruguaji, Kolumbia dhe Paraguai – kanë siguruar pjesëmarrjen, ndërsa Bolivia do të marrë pjesë në playoff.

Kjo do të thotë se Lionel Messi, tani me Inter Miami në SHBA, do të marrë pjesë në turne.

Zelanda e Re është kombi i vetëm nga Oqeania që kualifikohet në mars, ndërsa Kaledonia e Re do të luajë në playoff.

Shtatë nga nëntë ekipet afrikane kanë siguruar vendin e tyre në turne, duke përfshirë Marokun, Tunizinë, Egjiptin, Algjerinë, Ghanan, Afrikën e Jugut dhe Kepin e Gjelbër.

Në Evropë, Portugalia duket gati të bashkohet me Anglinë në turne.

Kjo do të thotë se tifozët do të mund të shohin Cristiano Ronaldon të përballet me rivalin e vjetër Messi në skenën më të madhe për herë të fundit, pasi dyshja e plakur me siguri nuk do të vazhdojë të luajë deri në 2030.

Stadiumet ku do të zhvillohen ndeshjet:

Kanada: Toronto (BMO Field) do të presë gjashtë ndeshje, ndërsa Vancouver (BC Place) shtatë të tjera.

Meksikë: Estadio Azteca, Ciudad de México (pesë ndeshje), Estadio Guadalajara, Zapopan (katër ndeshje) dhe Estadio Monterrey, Guadalupe (katër ndeshje).

SHBA: Shumica e ndeshjeve, përfshirë gjysmëfinalet dhe finalen, do të zhvillohen në SHBA. Finalja do të mbahet më 19 korrik në MetLife Stadium (Neë York/Neë Jersey), me shtatë ndeshje të tjera po atje. Ndeshja për medaljen e bronztë do të mbahet në Hard Rock Stadium (Miami) së bashku me gjashtë ndeshje të tjera. Të tjera stadiume amerikane që do të përdoren janë SoFi Stadium (Los Angeles), Arroëhead Stadium (Kansas City), NRG Stadium (Houston), AT&T Stadium (Dallas), Gillette Stadium (Boston) dhe Mercedes-Benz Stadium (Atlanta)./GazetaExpress/