Anton Cena po e shfaq superioritetin e tij karshi kundërshtarëve në Garave Evropiane të Policisë, Zjarrfikësve, Korrektuesve dhe Doganierëve.

Përgatitjet strikte fizike e shohin garuesin nga Kosova dominues absolut karshi kundërshtarëve, shkruan “Gazeta Express”.

Pasi e fitoi medaljen e artë në xhudo, ku garoi në finale përballë garuesit 30 vjet më të ri, të cilin e mposhti m Ippon, Cena ishte i papërmbajtshëm edhe në Brazilian Ju-Jitsu.

Përfaqësuesi i Policisë së Kosovës e fitoi medaljen e artë në disiplinën e dytë, ndërsa do ta synojë të tretën në disiplinën e radhës: not në ujëra të hapur në 2000 metra.

Cena ia dedikon medaljen e dytë të artë Policisë së Kosovës, ndërsa pjesëmarrjen në garën që po mbahet në Portugali po e shfrytëzon edhe si një mundësi për lobim dhe përfaqësim të shtetit më të ri në botë, duke i paraqitur vlerat dhe kapacitetin e shtetit tonë.

Më poshtë mund ta lexoni postimin e Anton Cenës, i cili është dominues absolut ndër veteranë. /Gazeta Express/